Faget utdanningsval

Dette er ein nettressurs for faget utdanningsval i ungdomsskolen.

Her finn du over 60 oppgåver og rundt 25 artiklar som dekker alle kompetansemåla i faget. Innhaldet er ikkje sortert etter klassetrinn, men etter kompetansemåla og seks ulike tema.  

Under kvar artikkel vil du finne tilknytta oppgåver. Oppgåvene har svært varierande grad av kompleksitet og varigheit. Nokre er gjort på fem minuttar, medan andre vil ta fleire timar. Elevane vil kunne vere sjølvgåande på ein del av oppgåvene, men alle oppgåvene krev at ein lærar hald oppsyn. Alle oppgåvene har ein lærarrettleiing knytt til seg, som eleven ikkje treng å sjå, men som er nødvendig for at elevane skal få maksimalt læringsutbytte av oppgåva. Eksempel på oppgåver som verkar sjølvgåande er quizane, men ofte skal eleven lese ein artikkel først. Teksten elevane skriv i tekstfeltet kan lastast ned på siste slide, eller side, i oppgåvene.

Sjå etter denne knappen i oppgåvene, den gir ekstra informasjon til lærar: 

skjermbilde_2016-09-08_kl._14.33.31_0.png

Foto: 

H5P

Utdanningsval er eit sentralt fag for å bidra til å gjere elevane i stand til å gjere gode utdannings- og yrkesval. Faget skal bidra til at elevane utviklar ein trygg identitet og til at dei skal kunne ta val ut ifrå sine eigne interesser og føresetnadar. Gjennom arbeidet med faget skal elevane skaffe seg kunnskap om moglegheiter og krav i utdanningssystemet og i arbeidslivet. Faget skal bidra til at elevane utviklar kompetanse i å handtere overgangar, bidra til deltaking og skape forståing for samanhengar mellom utdanning og jobbmoglegheiter.

Alle fag skal bidra til å realisere verdigrunnlaget for opplæringa. Utdanningsval skal bidra til at elevane tar sjølvstendige val. Vidare skal faget bidra til at dei utforskar karrieremoglegheiter basert på likeverd og likestilling. I faget skal elevane utvikle identiteten sin gjennom å delta i eit inkluderande og mangfaldig fellesskap som balanserer individuelle ynske og felleskapet sine verdiar.

Last ned eller les hele læreplanen på udir.no